Brun saus, jevna med sellerirot - lavkarbo ♥

Då har eg prøvd ut den nye sausejevnaren min

på brun saus - JIPPI, det vart skikkelig brun saus :)

Sellerirot er berre fantastisk, og allsidig :)

Oppskrift på brun saus:

100 g sellerirot, kutta i terningar

2,5 dl vatn

Kok sellerirota mør i vatnet, ca 15 minutt.

Mos med stavmiksar.

Ha oppi ca 2,5 dl kraft frå kjøttet du har steikt,

og ca 0,25 dl kremfløte.

Salt og pepper, om det er nødvendig.

Pitte litt Worcestershiresauce

5 dråpar sukkerkulør, om du ønskar sausen brun.

Brun saus, her servert til kotelett,

sopp/paprika/løk-stuing og brokkoli/blomkål.

Sopp/paprika/løk-stuing:

Sjampinjong, raud paprika, shalottløk. Del soppen i 

skiver, og steike den først. Brune litt og litt i varm olje, ha 

deretter i smør, og la det sure litt i smøret. Salte og pepre. 

Brune paprika og løk, som du først har delt i mindre 

bitar. Ha over rømme og lat det putre litt. Ha oppi den 

ferdig bruna soppen. Salte og pepre om det trengs.